“අද ශ්‍රී ලංකා ඉතිහාසයේ පළාත් පාලන ක්ෂේත්‍රයේ නව වෙනසක් ඇති කිරීමට පළාත් සභා සහ පළාත් පාලන ඇමති හැටියට සියයට 25ක කාන්තා නියෝජනයක් සියලූම පළාත් පාලන ආයතනයට ලබාදීම මා භාග්‍යයක් හැටියට සලකනවා. කාන්තාවන් පවුලකට දෙන නායකත්වය රටටම දීම වැදගත්. හැබැයි අපි දන්නවා පිරිමියෙකුට වඩා කාන්තාවකට තමන්ගේ පෞරුෂත්වය වැදගත්. අද මේ කාන්තාවන් ඇතුළත්වීම රටටත් ජයග්‍රහණයක්. අපි මේ ඉදිරියට එන කාන්තාවන් පස්සට ගැහුවනං අපිට මේ ජයග්‍රහණය නැතිවෙනවා. මං හිතන්නේ අද මෙවැනි කාන්තාවන් රැකගන්න එක තමුන්නාන්සේලාගේ වගකිම. මං හිතන්නේ අද කාන්තාවන් අපි පළාත් පාලන ආයතනවලට යවනකොට ඒ තුළින් පළාත් පාලන ආයතනවල සමාජීය සහ ආර්ථික වෙනසක් අනිවාර්යෙන්ම ඇතිවෙනවා. අද හුඟාක් අය චෝදනා කරනවා පළාත් පාලන ආයතනවල දූෂණය සහ අකාර්යක්ෂමතාව තියෙනවා කියලා. ඒවගේම පළාත් පාලන ආයතනවල මන්ත්‍රිවරු කොන්ත්‍රාත්කරුවන් බවට පත්වෙලා තියෙනවා කියලා. ඒ යුගයෙන් ඈත්වෙන්න තමුන්නාන්සේලා බුද්ධිමත්ව කටයුතු කළ යුතුයි. ”

පළාත් සභා සහ පළාත් පාලන අමාත්‍ය, ජනාධිපති නීතිඥ ෆයිසර් මුස්තෆා මහතා මෙම අදහස් පළකළේ වසර 3ක කාලයක් තිස්සේ ඉතා අබලන් තත්ත්වයක පැවති ගෝණමඩිත්ත ප්‍රධාන මාර්ගය, කාපට් අතුරා සංවර්ධනය කිරීමෙන් පසු ජනතා අයිතියට පත්කිරීමේ අවස්ථාවේ ප්‍රධාන ආරාධිත අමුත්තා ලෙස එක්වෙමින්.

අමාත්‍යතුමන්ගේ උපදෙස් මත කාපට් අතුරා සංවර්ධනය කිරීමට වැය වූ මුදල රුපියල් ලක්ෂ 80කට ආසන්නයි. ශ්‍රී ලංකා නිදහස් පක්ෂය පිළිබඳව ද අදහස් දැක්වූ අමාත්‍ය ෆයිසර් මුස්තෆා මහතා.  

“ මේ පක්ෂේ කාගෙවත් බූදලේ වුණේ නෑ. අපි දේශපාලන පක්ෂයක් වටා රොක්වෙන්න ඕනේ. අද තීරණාත්මක අවධියක් පක්ෂයක් වටා අපි රොක් වෙනවද? පවුලක් වටා අපි රොක් වෙනවද? මා විශ්වාස කරනවා අපි දේශපාලනේ කරනකොට අපි පක්ෂයක් ශක්තිමත් කළ යුතුයි. ඒනිසා ශ්‍රි ලංකා නිදහස් පක්ෂය ශක්තිමත් කිරිම තමුන්නාන්සේලාගේ වගකිමක් ලෙස සලකනවා. ඒනිසා අපට අවශ්‍ය ඡන්ද කාලෙක බඩු බෙදන, ටකරං බෙදන, දැන්නම් හැම දෙයක්ම බෙදනවා. මෝටර් සයිකලුත් බෙදනවා.. දැන් පුස් සයිකලුත් බෙදනවා. හෙට අනිද්දා කාර් බෙදන්න පටන් ගනීද දන්නෑ. බඩු බෙදනකොට ගන්න. හැබැයි තමුන්ගේ ඡන්දේ වටිනා ඡන්දේ හරි පුද්ගලයාට දෙන්න. ගත්තා කියලා ඡන්දේ දෙන්නේ නෑනේ. ඡන්දේ දානකොට බලන්නේ නෑනේ කාටද ගහන්නේ කියලා. ඒනිසා තමුන්නාන්සේලාගේ වටිනා ඡන්දේ රට වෙනුවෙන් දෙන්න කියන පණිවිඩේ තමුන්නාන්සේලාට මං කියනවා. හේතුව අපි දේශපාලනයෙදි ඡන්දේ දිය යුත්තේ දේශපාලනඥයින්ට නෙමෙයි. ජනතා පුත්‍රයොන්ට.”

මෙම අවස්ථාවට අභිනවයෙන් කොළඹ දිස්ත්‍රික් සංවිධායක ධුරයෙන් පිදුම් ලද ව්‍යාපාරිකා දීපා එදිරිසිංහ මහත්මිය ද එක්ව සිටියා. එහිදී දේශපාලනයට පැමිණිමට තමන් තීරණය කළේ ඇයිද යන්න පැහැදිලි කළා.

 “ මම කියන්න කැමතියි සෝමා එදිරිසිංහ මැතිණිය මගේ මව ඇය ජනසරණ සහ පුනර්ජීව අරමුදල මඟින් මේ රටට සෑහෙන සේවයක් කරලා තියෙනවා. මමත් ඇය සමඟ නිහඩව හැම තැනම ඒ ප්‍රජා සත්කාරවලට උදව් වුණා. ඇයගේ අභාවයෙන් පසු මමත් මගේ සහෝදරයනුත් අවුරුදු දෙකක් විතර ඒ වැඩපිළිවෙල් අපිට හැකි අයුරින් අපි කරගෙන ඉදිරියට ගියා. ඊට පස්සේ මට කල්පනා වුණා මේ වැඩපිළිවෙල තවත් ඉදිරියට ගෙනියන්න නම් අපි පක්ෂයක් සමග සම්බන්ධවෙලා අපේ ජනතාව වෙනුවෙන් අපි සෙතක් සලසන්න පුළුවන් තව ගොඩක් දේවල් මිනිස්සු වෙනුවෙන් කරන්න පුළුවන් කියලා. මං ඒනිසා ශ්‍රී ලංකා නිදහස් පක්ෂය තෝරා ගත්තා. ඉතිං මං හිතනවා අපිට මේ වැඩකටයුතු කාන්තාවන් වෙනුවෙන් සහ රටේ ළමුන් සහ අවශ්‍ය හැමදෙනා අතරට ගිහින් ඔබලාගේ ඕනෑකම් බලා ඒ සඳහා වැඩ කිරීමට මමත් ඇපකැපවෙලා සිටිනවා. ”

ශ්‍රි ලංකා නිදහස් පක්ෂ කොළඹ දිස්ත්‍රික් සංවිධායිකා, සෝමවීර චන්ද්‍රසිරි පදනමේ සභාපති සුජීවා චන්ද්‍රසිරි මහත්මියගේ ඉල්ලීමකට අනුව පළාත් සභා සහ පළාත් පාලන අමාත්‍යංශයේ ග්‍රාමීය ප්‍රදේශවල මාර්ග කිලෝමීටර 1000ක් සංවර්ධනය කිරීමේ වැඩසහන යටතේ ගෝණමඩිත්ත මාර්ගය සංවර්ධනය කිරීමට ප්‍රතිපාදන ලබාදුන්නා. මාර්ගය ජනතා අයිතියට පත්කිරීමෙන් අනතුරුව අදහස් දැක්වූ සුජීවා චන්ද්‍රසිරි මහත්මිය.

“මේ ගරු ඇමතිතුමන් මේ ප්‍රදේශයට, කැස්බෑව ප්‍රදේශයට කරන ලද මහඟු සේවය වෙනුවෙන් මේ කළගුණ සලකන්නට උත්සාහයක් දැරුවා පමණයි. අපට ඉදිරියේදී අපේ ගරු ඇමතිතුමන්ට කළගුණ සැලකීමට තව බොහෝ අවස්ථා ලැබේවි. මම හිතන්නේ මේ කැස්බෑවේ ජනතාව, මේ ගෝණමඩිත්ත පාරේ ජනතාව එවැනි අවස්ථාවක් උදාවුවහොත් එය නොපිරිහෙලා ඉටු කරාවි. කිසි දිනක මඟහරින එකක් නෑ.”

05 04
09 14
19 22

 

 

 

මහර ප්‍රාදේශීය සභා බල ප්‍රදේශය තුළ ග්‍රාම සේවා වසම් 04 ක් එකතුකර අක්බර් ටවුන් ලෙස නම් කිරීම සම්බන්ධයෙන් කඩිනම් විසදුමක් ඉල්ලා එඩේරමුල්ල ජනතා උරුමයන් සුරුකීමේ ව්‍යාපාරයේ නියෝජිතයින් පිරිසක්, ප්‍රදේශයේ ජනතාවගේ අත්සනින් යුතු සන්දේශයක් පළාත් සභා සහ පළාත් පාලන අමාත්‍ය ෆයිසර් මුස්තෆා මහතා වෙත භාරදීම අද දිනයේ දී සිදු කරන ලදි.

මෙම ගැටලුව සම්බන්ධයෙන් මීට පෙර ජනතා නියෝජිතයා ලෙස වශයෙන් මුදල් හා ජනමාධ්‍ය නියෝජ්‍ය අමාත්‍ය ලසන්ත අලගියවන්න මහතාගේ ඉල්ලීමට අනුව මෙම ගැටලුව නිරාකරණය කිරීම සඳහා අවශ්‍ය කටයුතු ගෙන තිබෙන බවත් ඒ අනුව එම ගැටලුව නිරාකරණය කිරීම සඳහා විෂය භාර අමාත්‍ය ෆයිසර් මුස්තෆා මහතා විසින් ඊයේ දිනයේ දී කැබිනට් පත්‍රිකාවක් ඉදිරිපත් කරන ලද අතර එහි දී අමාත්‍යාංශ කමිටුවක් පත් කිරීමට අනුමැතිය හිමි විය.

ඒ අනුව ප්‍රදේශයේ ආගමික නායකයන් හා නියෝජිතයන් ගේ අදහස් ලබාගෙන අදාළ කමිටු නිර්දේශය ලබා ගනිමින් ඒ පිළිබඳව වන සංශෝධනය වහාම ඉදිරිපත් කිරීමට බලාපොරොත්තු වන බව අමාත්‍යවරයා පැමිණ සිටි නියෝජිතයින්ට ප්‍රකාශ කළා. මැතිවරණ කොමිෂන් සභාවේ සභාපති මහින්ද දේශප්‍රිය මහතා දුරකතනයෙන් ඇමතූ අමාත්‍යවරයා , එම කොට්ඨාශය එඩේරමුල්ල 2 ලෙස නම් කිරීම සම්බන්ධයෙන් සාකච්ඡාකරන ලදී.  

මෙම ගැටලුව විසදීමට විශේෂ උත්සාහයක් ගැනීම පිළිබදව නියෝජ්‍ය අමාත්‍ය ලසන්ත අලගියවන්න අමාත්‍යතුමාට ස්තුතිවන්ත වන බව අමාත්‍ය ෆයිසර් මුස්තෆා මහතා ප්‍රකාශ කල අතර මෙම බල ප්‍රදේශය අක්බර් ටවුන් ලෙස නම් කිරීම තමන් විසින් හෝ පළාත් සභා සහ පළාත් පාලන අමාත්‍යාංශය විසින් ගත් තීරණයක් නොවන බවත් දිස්ත්‍රික් ලේකම්වරයාගේද නිර්දේශ සහිතව  අශෝක පීරිස් මහතාගේ ප්‍රධානත්වයෙන් යුතු අභියාචනා විමර්ශන කමිටුව විසින් ඉදිරිපත් කළ වාර්තාවට ඇතුලත් කර ඇති බවත් වැඩිදුරටත් ප්‍රකාශ කලා.

DSC 0466 DSC 0468

 

 

 

“මගේ අමාත්‍යංශයේ මට නියෝජ්‍ය ඇමති කෙනෙක්, රාජ්‍ය ඇමති කෙනෙක් නොමැතිව අවුරුද්දක් කාලයක් දැරුවා. ඒවගේම අමාත්‍යංශයේ උගත්, බුද්ධිමත් කෙනෙකු පත්කිරිම මගේ රාජ්‍ය ඇමති හැටියට වැදගත්. හේතුව පනත් සම්බන්ධයෙන් නොයෙක් අවස්ථාවලදි අපේ අමාත්‍යංශයේ කටයුතු කරනවා. එවගේම මං හිතන්නේ මේ පාර්ලිමේන්තුවේ කෙටුම්පත් වැඩිම සංඛ්‍යාවක් මේ අවුරුද්දට ඉදිරිපත් කරපු අමාත්‍යංශය මගේ අමාත්‍යංශය. ඒවගේම අභියෝග රාශියකට මුහුණ පාපු අමාත්‍යංශය. ඒනිසා ශ්‍රියාණි විජේවික්‍රම මැතිණියට මේ අමාත්‍යංශයෙන් රාජ්‍ය ඇමතිකම ලැබීම මං හිතන්නේ දේශපාලන ක්ෂේත්‍රයේ සහ ඇමතිකමක් කිරීමේ දි විශාල අත්දැකීමක් ලබනවා කියන එක මං මේ අවස්ථාවෙදි ප්‍රකාශ කරනවා. ඒවගේම පාර්ලිමේන්තුවේ වැඩිම ප්‍රශ්න ඇහුවෙත් මේ අමාත්‍යංශෙන්. ඒනිසා මට විශාල ශක්තියක්. එතුමිය මං යම් කාල පරිච්ඡේදයක් හඳුනනවා. අපි දෙන්නා එකම වෘත්තියේ ඉන්නේ. ඒනිසා මං හිතන්නේ ඉතා සුහදව මේ අමාත්‍යංශේ මං විශාල පීඩනයක් තිබ්බා විශාල වැඩකොටසක් තිබීම ගැන. ඒනිසා එතුමියට මම බලාපොරොත්තුවෙනවා විශාල වැඩකොටසක් පවරන්න. ඒවගේම මා විශ්වාස කරනවා අපි දෙදෙනාට මේ අමාත්‍යංශයේ ඉදිරි අවුරුදු ගාණ තුළ විශාල වැඩකොටසක් කිරීමේ හැකියාවක් තියෙනවා. ඒවගේම එතුමියගේ බල ප්‍රදේශයේ දිගාමඩුල්ල ප්‍රදේශයට මේ අමාත්‍යංශයේ සංවර්ධන වැඩකටයුතු විශාල ප්‍රමාණයක් කරන නිසා විදේශ ව්‍යාපෘති රාශියක් දිගාමඩුල්ල ප්‍රෙද්ශයේ කරන නිසා මං හිතන්නේ මේ අමාත්‍යංශය තුළ එතුමියගේ දේශපාලන ගමන ශක්තිමත් කිරීමේ හැකියාව තියෙයි කියලා මා විශ්වාස කරනවා. ඒවගේම නැවත වතාවක් මං අතිගරු ජනාධිපතිතුමාට ස්තුතිවන්ත වෙනවා කාන්තා නියෝජනය කැන කතාකරන අවස්ථාවකදී මට රාජ්‍ය ඇමති හැටියට කාන්තාවක්, දක්ෂ කාන්තාවක් පත්කිරීම ගැන. ඒනිසා කාන්තා නියෝජනය සම්බන්ධයෙන් රටට දියයුතු පණීවිඩය මෙතුමිය හරහා දීම උචිතයි මා විශ්වාස කරනවා.  ”

පළාත් සභා සහ පළාත් පාලන අමාත්‍ය ෆයිසර් මුස්තෆා මහතා මෙම අදහස් පළකළේ  අභිනව රාජ්‍ය අමාත්‍ය ධුරයෙන් පිදුම් ලැබූ නීතිඥ ශ්‍රීයාණි විජේවික්‍රම මහත්මිය සිය තනතුරෙහි රාජකාරි නිලවශයෙන් ආරම්භ කිරීමේ මොහොතට අද පෙරවරුවේ එක්වෙමින්.

ගරුතර සංඝරත්නයේ ආශිර්වාද මධ්‍යයේ සිය රාජකාරි ආරම්භ කළ අභිනව රාජ්‍ය අමාත්‍යවරියට සුභාශිංෂණ එක්කිරීමට අමාත්‍ය ෆයිසර් මුස්තෆා මහතාට අමතරව අමාත්‍ය නිමල් සිරිපාලද සිල්වා සහ අමාත්‍ය විජිත් විජයමුණි සොයිසා යන මහත්වරුන් ද එක්ව සිටියා.

 අභිනවයෙන් වැඩ භාරගැනීමෙන් අනතුරුව මාධ්‍ය හමුවේ සිය ඉදිරි දැක්ම පැහැදිලි කළ පළාත් සභා සහ පළාත් පාලන රාජ්‍ය අමාත්‍ය නීතිඥ ශ්‍රීයාණි විජේවික්‍රම මහත්මිය.

“ එක දිගට දෙවතාවක් නියෝජනය කරපු එකම පාර්ලිමේන්තු මන්ත්‍රිවරයි විදියට මට විශාල වගකිමක් පැවරිලා තියෙනවා. අම්පාරේ ජනතාවගේ අයිතිවාසිකම් ආරක්ෂා කරලා දෙන්න ඉඩක් නැති අවස්ථාවක් ආවා. ඒ අවස්ථාවෙදි ඊට අවස්ථාව හදලා දුන්නේ මෛත්‍රිපාල සිරිසේන ජනාධිපතිතුමන්. මොකද හැමවෙලේම මම නීතිඥවරියක් වගේම මම අයිතිවාසිකම් වෙනුවෙන් සටන් කරන කෙනෙක්. මගේ අයිතීන් මම කාටවත් උදුර ගන්න දෙන්නේ නැහැ. ඒවගේම අම්පාරේ මිනිසුන්ගේ අයිතිවාසිකම කිසිවෙකුට උදුරාගන්න මම ඉඩදෙන්නේ නෑ. අම්පාර දිස්ත්‍රික්කය කියන්නේ තිස් අවුරුද්දක් තිස්සේ යුද්ධෙට මුහුණ දුන්නු විශාල දුකක් විඳපු විශාල කැපකිරිමක් මේ රට වෙනුවෙන් කරපු ජනතාවක් ඉන්න දිස්ත්‍රික්කයක්. ඒ දිස්ත්‍රික්කය තුළ අපිට වැඩ ගොඩක් කරල දෙන්න තියෙනවා. අපේ ගරු අමාත්‍යතුමන් විශේෂයෙන්ම විශාල වැඩකොටසක් කරන්නට තියෙන, විශාල වැඩකොටසක් කරන්නට පුළුවන් අමාත්‍යංශයක් තමයි රාජ්‍ය අමාත්‍යධුරය මට ලැබිලා තියෙන්නේ. ඉතිං මේ අමාත්‍යංශයේ වගකිම් මට හැකි උපරිමයෙන් ඉටුකරන්නට මං බලාපොරොත්තුවෙනවා. ඒවගේම ගරු අමාත්‍යතුමාට විශාල වැඩකොටසක් තියෙනවා. අපි ඒ වැඩ ඉතාමත් හොඳින් ඉටු කරන්නට කටයුතු කරන බවත් විශේෂයෙන් ඒවගේම අම්පාරේ ජනතාවගේ අයිතිවාසිකම්, ජනතාවගේ වගකිම්, සියල්ල භාර අරගෙන ප්‍රගතිශීලී ජනතාව වෙනුවෙන් ඉදිරියට මේ රට ගෙනියන්නට මේ රට ආරක්ෂා කරන්නට අපි කටයුතු කරනවැයි කියන කාරණේ විශේෂයෙන්ම සඳහන් කරන්නට ඕනේ..”

මෙම විශේෂ අවස්ථාවට එක්වූ ප්‍රවාහන හා සිවිල් ගුවන් සේවා අමාත්‍ය නිමල් සිරිපාල ද සිල්වා මහතා ද අභිනව රාජ්‍ය අමාත්‍යවරියට සිය සුභාශිංෂණ එක් කළා.

 “ රජ්යත් එක්ක එකතුවෙලා, එක්සත් ජාතික පක්ෂය එක්ක නෙමෙයි. රජයත් එක්ක. රජයත් එක්ක එකතුවෙලා තමන් නියෝජනය කරන ජනතාව වෙනුවෙන් ඉදිරි කාලය තුළදි යම් සේවාවක් ලබාදෙන්න. ඒ ජනතාව ශක්තිමත් කරන්න. මොකද අම්පාර දිස්ත්‍රික්කයේ ප්‍රගතිශීලී පිල කොන්වෙලා තිබුණා. ඒ සඳහා නියෝජනයක්, නිසි නියෝජනයක් තිබුණේ නෑ. දැන් එතුමියට පුළුවන් ඒ නියෝජනය භාර අරගෙන ඒ ජනතාව වෙනුවෙන් කරන්න පුළුවන් උපරිම සේවය ඉටු කිරීමට අවස්ථාවක් අතිගරු ජනාධිපති මෛත්‍රිපාල සිරිසේන මැතිතුමා එතුමියට භාරදීලා තියෙනවා. අපිට විශාල විශ්වාසයක් තියෙනවා එතුමිය මේ අවස්ථාවෙන් ප්‍රයෝජන අරගෙන එතුමිය වටා ඉන්න, එතුමියගේ සේවය බලාපොරොත්තුවෙන, ඒවගේම විශේෂයෙන් අනාථවෙලා ඉන්න අම්පාර දිස්ත්‍රික්කයේ ප්‍රගතිශීලී ජනතාව වෙනුවෙන් අවශ්‍ය දේශපාලන නායකත්වය ලබාදීලා ඒවගේම ඔවුන් වෙනුවෙන් ඔවුන්ගේ දහසකුත් එකක් අඳෝනා හා දුක් වේදනාවන්ට යම් සහනයක් සැලසීමටත් අපේ ආණ්ඩුවේ බලය, රාජ්‍ය බලය, පාවිච්චි කිරීමට එතුමියට අවස්ථාවක් ලැබෙනවා. විශේෂයෙන්ම ෆයිසර් මුස්තාෆා අමාත්‍යතුමා යටතේ පළාත් පාලන ආයතන ශක්තිමත් කළා. පළාත් පාලන ආයතන තුළ සංවර්ධන වැඩ සඳහා එතුමා බොහොම උනන්දුවෙන් භාණ්ඩාගාරයෙන් මුදල් ගන්න පුළුවන් උපරිම මුදල් ප්‍රමාණය අරගෙන, ඒවා අතර බෙදා දිලා, පළාත් පාලන අමාත්‍යංශයට නව නව මුහුණවරක් එතුමා ලබා දුන්නා. ඒවගේම පළාත් සභාත් අයිතිවන්නේ ඒතුමාගේ අමාත්‍යංශයට. ඒනිසා මං හිතන්නේ ශ්‍රීයාණි විජේවික්‍රම මැතිණියට අලුත් අත්දැකීම් රාශියක් පරිපාලනමය වශයෙන්, දේශපාලනමය වශයෙන්, ලබාගැනීමේ අවස්ථාවක් සලසා දීලා තියෙනවා. ඒතුළින් එතුමියගේ බුද්ධිය, දැනුම, ක්‍රියාකාරීත්වය, මේ සියල්ල වැඩිදියුණු කරගනිමින් දීර්ඝ දේශපාලන ගමනක්යාමට එතුමියට මංපෙත් අපේ අතිගරු ජනාධිපති මෛත්‍රිපාල සිරිසේන මැතිතුමා විවිර කරලා දීලා තියෙනවා . ”

 රාජ්‍ය අමාත්‍යවරියට සිය සුභාශිංෂණ එක්කිරිමට එක් වූ වාරිමාර්ග හා ජලසම්පත් කළමනාකරණ අමාත්‍ය විජිත් විජයමුණි සොයිසා මහතා ද සිය අදහස් දැක්වූවා.

 “එක එක අය දොස් කියනවා මෙතුමිය ශ්‍රී ලංකා නිදහස් පක්ෂයට ආවා, ජනාධිපතිතුමා ළඟට ආවා... මෙතුමිය අමුතු ගමනක් ආවේ නෑ. එතුමිය ආවේ එතුමියගේ මහගෙදරට. එනිසා අපි ඉතා ගෞරවයෙන් මහගෙදර ඉන්න පදිංචිකාරයෝ හැටියට, සහෝදරයෝ හැටියට අපි එතුමිය පළිගන්නවා. ඉතිං මේක තමයි යතාර්ථය. මේක තමයි ස්වභාවය. අර අනුර බණ්ඩාරනායක මහත්තයා එක් වරක් කියලා තිබුණා අපි කාගෙත්, මොනවා කරත්, කොහේ ගියත්, අපේ අල්මාරියේ නිල් කමිසයක් තියෙනවා. ඉතිං ඒක නිසා මෙතුමියගේත් නිල් හැටිටයක්, සාරියක් අල්මාරියේ තියෙනවා. ඉතිං ඕක ඇඳගන්න විතරයි තියෙන්නේ. ඒනිසා නිසි වේලාව පැමිණිවිට සියලු දෙනාම ශ්‍රී ලංකා නිදහස් පක්ෂයට එකතුවෙනවා. ඉතාමත්, වැදගත්, ආදර්ශයක් දීපු දේශපාලන නායිකාවක් අම්පාර දිස්ත්‍රික්කයේ. එතුමිය හැම වෙලාවෙම අප ළඟ ඉඳගෙන, අපට ජනතාවගේ ප්‍රශ්න ඉදිරිපත් කරලා ඒවට විසඳුම් අපෙන් ඉල්ලුවා. එතුමිය අම්පාර දිස්ත්‍රික්කයට විතරක් නෙමෙයි මුලු රටටම මේ අමාත්‍යංශය තුළ ඉඳගෙන, ඒ දැවැන්ත වූ කාර්යයභාරය යුග මෙහෙවර ඉටු කිරීමට එතුමියට ශක්තිය, ධෛර්ය වාසනාව ලැබේවා කියලා ප්‍රාර්ථනා කරනවා. ඒවගේම අපි විශ්වාස කරනවා ඉතා හොඳ ඇමති කෙනෙක් ෆයිසර් මුස්තාෆා ඇමතිතුමා. එතුමාට ලොකු ආතතියක් තිබුණා පහුගිය දවස්වල මං හිතන්නේ හරියටම මල් පොකුරක් තිබ්බා වගේ හොඳ රාජ්‍ය ඇමතිවරියක්, ලස්සන රාජ්‍ය ඇමතිවරියක් එතුමාට රාජ්‍ය ඇමතිවරියක් ලැබිච්ච නිසා එතුමාගේ ආතතියත් අඩුවෙලා එතුමත් ඉතා හොඳින් කටයුතු කරයි කියලා අපි විශ්වාස කරනවා .”

DSC 0060 DSC 0064
DSC 0031 DSC 0145

 

 

පළාත් සභා සහ පළාත් පාලන අමාත්‍ය, ජනාධිපති නීතිඥ ෆයිසර් මුස්තෆා මහතාගේ ප්‍රධානත්වයෙන් කටාර් ජාතික දිනය අද පස්වරුවේ ආරම්භ වුණා.

මෙම අවස්ථාවට කටාර්හි ශ්‍රී ලංකා තානාපති රාෂික් ෂෆියා අල් මරීක්,  කථානායක කරූ ජයසූරිය, ඛනිජ තෙල් සම්පත් සංවර්ධන අමාත්‍ය අර්ජුන රණතුංග, නිපුණතා සංවර්ධන හා වෘත්තීය පුහුණු අමාත්‍ය චන්දිම වීරක්කොඩි යන මහත්වරුන් ඇතුළු දේශපාලනඥයින්, රාජ්‍ය තාන්ත්‍රිකයින් ඇතුළු විශාල පිරිසක් එක්ව සිටියා.

DSC 0243 DSC 0287
DSC 0303 DSC 0256
DSC 0293  DSC 222

“ මං හිතන්නේ අද දේශපාලනයෙන් යැපෙන උදවියට වඩා දේශපාලනයෙන් ඈත් වූ සමාජයට යමක් කරන්න පුළුවන් කාන්තාවන් දේශපාලනයට ඇදගැනීම තමයි අපේ විශ්වාසය. මම එදත් කිව්වේ අදත් කිව්ව දෙයක් තමයි දේශපාලනයේදී අපි මේ දේශපාලන ක්ෂේත්‍රෙය් ඉන්න කාන්තාවන් ඇදගන්නවට වඩා සමාජ සේවයේ, සමාජයේ සුපිරිසිදු චරිත දේශපාලන ක්ෂේත්‍රයට ඇදගැනීමේ බලාපොරොත්තුවෙන් තමයි දීපා එදිරිසිංහ මහත්මිය වගේ කාන්තාවන් අපේ ලැයිස්තුවට දාන්නේ.  මං හිතන්නේ ඒක කලේ නැත්නම් අපිට මේක සමාජ ගත කරන්න බෑ. සමහර දේශපාලනඥයන්ගේ සහෝදරිය, නැත්නම් බිරිද, මේ ලැයිස්තුවල දාලා දේශපාලනයේ කරන උදවියත් ඉන්නවා. හැබැයි අපි ඒ අතිගරු ජනාධිපතිතුමා ඒ දේශපාලනයෙන් ඈත්වෙන්න කියන එක තමයි එතුමා සෑම කෙනාගෙන්ම ඉල්ලීමක් කරන්නේ. ඒවගේම මගේ අමාත්‍යංශයේ එක පවුලෙන් එක්කෙනෙක් කියන තේමාව යටතේ දේශපාලනය කළ යුතුයි කියන එක තමයි මගේ බලාපොරොත්තුව. ඒ කියන්නේ පළාත් සභා සහ පළාත් පාලන ආයතන හෝ පාර්ලිමේන්තුවේ ඒ අදියර තුනේ සිටිය යුත්තේ එක්කෙනෙක් කියන එකයි මගේ මතය. මං අතිගරු ජනාධිපතිතුමත් එක්කත් මේ ගැන සාකච්ඡා කළා. මේක ස්වේච්ඡාවෙන් දේශපාලනය කළ යුතුයි. නැත්නම් පළාත් සභාවට භාර්යාව දානව, එතුමා දානවා පාර්ලිමේන්තුවට. ඊටගල පුතා හා දුව දානවා ප්‍රාදේශීය සභාවට. ඒ දේශපාලනය ප්‍රතික්ෂේප කළ යුතුයි. එවගේම මම මාධ්‍යෙයන් ඉල්ලා සිටිනවා එවැනි දේශපාලනයක නිරතවන උදවිය ගැන ජනතාව දැනුවත් කරන්න. හැබැයි මේ රටේ මිලියන 21ක් ඉද්දි අපි සෑම කෙනෙකුටම අවස්ථාව දිය යුතුයි. මේ රටේ මේ දේශපාලන වෙනස කළේ නැත්නම් පවුල්වාදයෙන් දේශපාලනය කරන්න බෑ. සමහර උදවිය හිතනවා ඒගොල්ලන්ගේ පවුලට පමණක් සීමා කරලා දේශපාලනය කරන්න. ඒ දේශපාලනය රටට නුසුදුසුයි. මේක විහිලුවක්. මේ රටේ මිලියන 21ක් ඉන්නවා. තැනක් දෙන්න ඒ අයට. තැනක් දුන්නා නම් ඒ අය ඉස්සරහට එනවා. ”

පළාත් සභා සහ පළාත් පාලන අමාත්‍ය ෆයිසර් මුස්තෆා මහතා මේ බව පැවසුවේ අද පෙරවරුවේ පැවති මාධ්‍ය හමුවකදියි. මෙවර මැතිවරණයේදී සියයට 25ක අනිවාර්ය කාන්තා නියෝජනය තහවුරු කරමින් ඊ.ඒ.පී. සමූහ ව්‍යාපාරයේ අධ්‍යක්ෂිකා, අභාවප්‍රාප්ත සෝමා එදිරිසිංහ මහත්මියගේ දියණිය ශ්‍රි ලංකා නිදහස් පක්ෂයේ කොළඹ දිස්ත්‍රික් සංවිධායක ධුරය ලැබීමෙන් අනතුරුව මාධ්‍ය දැනුවත් කිරීම වෙනුවෙන් මෙම හමුව පැවැත්වුණා. එහිදී වැඩිදුරටත් අදහස් දැක්වූ අමාත්‍ය ෆයිසර් මුස්තෆා මහතා.

“අතිගරු ජනාධිපතිතුමා මේ පළාත් පාලන ඡන්දයෙදි සුපිරිසිදු චරිත, ජනතා හිතකාමී පුද්ගලයන් මේ ඡන්දෙට ඉදිරිපත් කිරීමේ බලාපොරොත්තුවක් තියෙනවා. ඒ කියන්නේ ගමේ ඡන්දයෙදි පක්ෂෙට වඩා ඒ බල ප්‍රදේශය සහ ලැයිස්තුවේ දාන චරිත බලපානවා. හේතුව අද සුපිරිසිදු චරිත වගේම සමානුපාතික ලැයිස්තුවේ ඒ බල ප්‍රෙද්ශයට වැඩක් කරන්න පුළුවන් චරිත ඉදිරිපත් කිරීම අද රටට ඒ තත්වය උදාවෙලා තියෙනවා. අපි දන්නවා පළාත් පාලන ආයතන ගැන අද ජනතාවට තියෙන මතය. අපි දැකලා තියෙනවා පළාත් පාලන මන්ත්‍රිවරු කොන්ත්‍රාත්කරුවන් වෙලා තියෙනවා කියලා. ඒනිසා සමාජයේ පළාත් පාලන මන්ත්‍රි ගැන තියෙන මතය තුරන් කිරීමට අපි යම් වැඩපිළිවෙලක් කළ යුතුයි කියන මතය ශ්‍රි ලංකා නිදහස් පක්ෂයේ තියෙනවා.  එදිරිසිංහ මහත්මිය දේශපාලන ක්ෂේත්‍රෙයන් ඈත්වූ කෙනෙක්. නමුත් අද අතිගරු ජනාධිපතිතුමා සහ ශ්‍රී ලංකා නිදහස් පක්ෂයේ කොළඹ මහ නගර සභාව තුළ ශක්තිමත් කරීම වෙනුවෙන් එතුමිය ඉදිරිපත් වෙලා තියෙනවා අපේ අපේක්ෂකයෙක් හැටියට.  අපි දන්නවා සෝමා එදිරිසිංහ මහත්මිය මේ රටේ විශාල සේවයක් කරලා තියෙනවා. එදිරිසිංහ පවුල දේශපාලනයට පිවිසිලා නෑ. නමුත් අද රටට උදාවෙලා තියෙනවා දේශපාලනයෙන් ඈත් වූ සුපිරිසිදු පවුල්වල උදවිය දේශපාලන ක්ෂේත්‍රයට සම්බන්ධ කරන්න. මං හිතන්නේ එය පක්ෂෙට විශාල ශක්තියක්. එතුමිය සමාජ සේවය කොළඹ නගරය තුළ විශාල වශයෙන් කරලා තියෙනවා. ඒවගේම සෝමා එදිරිසිංහ මහත්මියගේ අඩිපාරේ එතුමියත් ගමන් ගන්නවා. අපි දන්නවා එදිරිසිංහ පවුල සමාජයට ඉතාමත් හිතකාමී සමාජ සේවයේ නිරතවූ උදවිය. මම පළාත් සභා සහ පළාත් පාලන අමාත්‍යංශය භාරගත්තට පස්සේ මම දේශපාලන පක්ෂවලින් කරපු ඉල්ලීම සුපිරිසිදු චරිත දේශපාලන ක්ෂේත්‍රයට ඇතුළත් කිරිම සියලුම පක්ෂ කළ යුතුයි කියලා. ඒ ප්‍රයත්නයේ ප්‍රතිඵලයක් තමයි අද දින එදිරිසිංහ මහත්මිය අපෙන් ඉල්ලන්නේ. ”

මාධ්‍ය හමුවේදී අදහස් දැක්වූ දීපා එදිරිසිංහ මහත්මිය.

“ මං ඇත්තටම දේශපාලනයට පිවිසීම ගැන මං සන්තෝෂවෙනවා. මොකද මම ඒ සඳහා ශ්‍රි ලංකා නිදහස් පක්ෂය තෝරා ගත්තේ ඒක පිරිසිදු පක්ෂයක් කියලා මට හිතුණ නිසා. මං ඉදිරි කටයුතු කිරීමට කාන්තාවන් සමඟ එකතු වී ඉදිරියට යෑමට මං බලාපොරොත්තුවෙනවා. ශ්‍රි ලංකා නිදහස් පක්ෂයේ ජනාධිපති මෛත්‍රිපාල සිරිසේන මහතාත්, ෆයිසර් මුස්තාෆා මහතාත් ලොකු සහයෝගයක් දෙනවා. ඉතිං ඉදිරියටත් මට ඒක ලැබෙයි කියලා මං කල්පනා කරනවා. මං සමාජ සේවයට පැමිණියේ අද ඊයේ නෙමෙයි. මගේ මව ජනසරණ සහ පුනර්ජිව අරමුදල 2008 ඉදලා අපි ඒ දෙකම කරගනෙ ඉදිරියට ගියා. අපි දැනුත් ඒක කරගෙන යනවා. අපිට හැකි මට්ටමින්. ඉතිං මම ඇත්තටම කල්පනා කෙරුවා රටට සේවයක් කරන්න කාන්තාවන්ට දේශපාලනයට ආවොත් මට ඊට වැඩිය දෙයක් ඒ කාන්තාවන් වෙනුවෙන් කළ හැකියි කියලා. මම ඒ සම්බන්ධව තමයි දේශපාලනයට පිවිසෙන්න තීරණය කළේ. ”

DSC 0310 DSC 0321 DSC 0318